Tabel 1. Inatsisartut ombudsmandianit naammagittaalliuutinut itigartitsinermut patsisaasut
Nassuiaatit
(1) Apeqquteqaatit immikkoortillugit ilaatinneqarunnaarput. Apeqquteqaatit 2013- imit aallartittumik innuttaasunit saaffiginnissutit tunngavigalugit ilitsersuinerit amerlassusilerneqarneranni ilanngunneqartalissapput.
(2) Tassani pineqarput suliat uppernarsaatinik naliliiviginninnermik imaqartut, eqqartuussivitsigut pitsaanerpaamik qulaajaavigineqarsinnaasut. Tassani aammattaaq pineqarput suliat naliliiviginninnermi sulianik immikkut ilisimasaqarfiginninnissamik/paasisimasaqarfiginninnissamik piumasaqaateqarfiusut.
(3) Tassani pineqarput suliat pisumik naliliiviginnereerlunga suliarinissaat itigartitsissutiginiarlugit Ombudsmandip aalajangiivigisai, taakkua oqartussaasup inuit ataasiakkaat pillugit inatsiseqartitsineq tunngaviginerullugu iliuuseqarfigisimasaannut tunngasuunerat pissutigalugu, soorlu pissutsit isumaqatigiissutinut (overenskomster) tunngasut aamma suliat taarsiissuteqartarnermut tunngasut nalinginnaasut.
(4) Tassani pineqarput suliat oqartussaasumut susassaqartumut suliarisassanngortillugit ingerlateqqillugit siullertut nassiunneqarnissaat naleqqunnerpaasutut/eqqornerpaasutut Ombudsmandimit isigineqartut. Naammagittaalliortoq tamatumunnga peqatigitillugu ilitsersorneqartarpoq suliaq oqartussaasup suliarereerpagu Ombudsmandimut naammagittaallioqqissinnaasoq. Naleqqunnerpaasutut/eqqornerpaasutut isiginninneq pissutigalugu itigartitsinermi suliat assigiinngitsorpaaluit pineqartarput, soorlu suliat oqartussaasumit naammagittaalliuutigineqartumit inaarlugit suliarineqarsimanngitsut (matumani piffissaq suliamik suliarinninnermi atorneqartoq ilanngullugu eqqarsaatigalugu) sulialluunniit nammagittaalliortup tunngavilersuutaanik (tamanik) oqartussaasup naammagittaalliuutigineqartup isummerfiginninnissaminut periarfissaqarfigisimanngisai. Naleqqunnerpaasutut/eqqornerpaasutut isiginninneq tunngavigalugu itigartitsineq tassavoq tunngaviusumik isummami, tak. Ombudsmandi pillugu inatsit, aalajangiisuusumik tunngaviusumik matuminnga takutitsisoq, tassalu ingerlatsiviup innuttaasullu aaqqiagiinngissutaat taakkua akornanni aaqqinniarneqaqqaartariaqartut, nakkutilliinermi oqartussaasup avataaneersup Ombudsmandimi Atorfeqarfittut ittup akuliutsinneqannginneranni.
(5) Tassani pineqarput itigartitsinermi tunngavilersuutit immikkoortuni allani imaaliallaannaq ilaatinneqarsinnaanngitsut. Tamanna ilaatigut sulianut naammagittaalliuuteqartup suliami inatsiseqartitsinikkut soqutigisaqarfiginngisaanut, sulianut naalakkersuinikkut (politikkikkut) siunertaqartunut (soorlu Inatsisartut inatsisaat pillugit naammagittaalliuutinut), sulianut soqutaalluanngitsunut sulianulluunniit oqartussaasup naammagittaalliuutigineqartup suliamik saqqummiussivigineqareerluni suliareqqinnialigaanut atuuppoq.
Najoqqutaq: Inatsisartut Ombudsmandiat